Tuesday, October 22, 2013

ටික් ටික් ටික්...

ටික් ටික් ටික් ටික්....

මදෑ ආතල් එකේ පා වෙවී නිදා ගන්න හැදුවා, මේකා සින්ක් එක හරියට වහලා නෑ.

කට ඇරගෙන පුටුවට වෙලා ඉන්නේ නැතිව ඕක වහලා වර, උඹට බැරිද? ඉඳපිය මමම යන්නම්.

රෙද්ද...  ඇදෙන් නැගිට්ට මම කුස්සියට ගියා.

කෝ ටැප් එක නෙමේ, අරකාගේ අතින් බිමට ලේ වැටෙනවා.

ඇයි බන් උඹ කට ඇරගෙන? මොකද කථා නැත්තේ?

උඹ මැරිලාද?

බෑ බෑ උඹට මැරෙන්න දෙන්න බැහැ. බිම තිබුන ලේ අරගෙන මම ඌට පෙව්වා.

ගිලපන් ඕවා.

සීතල උණු මලකඩ සුවඳ ලේ උගුරෙන් පහලට යනවා මට දැනුනා.

ඊයා... ලේ බොන්න?

පෙනහළු වලට ලේ යද්දී අමාරුයි, නවත්තපන් දැන්වත් ඔය වැඩේ.

ඇත්තමයි, උඹ මැරියං. ඉවරයිනේ කරුමේ.

හිතේ ඇති මම මැරුනාම බොඩි එක උඹ ගන්ට. හහ් එහෙම කොහොමද?

කියවිලල නවත්තලා මැරියන්කෝ දැන්වත්.

අඩේ අඩුම ගානේ මම මැරෙන එකට සතුටු වෙන්ට හරි උඹ ඉන්නවානේ.

මම යනවා ආයෙත් පා වෙන්න. උඹ මැරුනාම මම එන්නං

ටික් ටික් ටික්....

Categories:

Saturday, October 19, 2013

කම්කරුවා හා කුනුකම...



දකුණු ඇස නගනේ
එක් පයක් වණවේ
ඉස උකුණු රජගේ
මෙයින් ඒ තෙම ජරා වුයේ

Categories:

Tuesday, August 27, 2013

රත්තරන් මාළුවාගේ වරයන් 3

Asian red arowana scleropages legendrei



ඔන්න දවසක් කාන්තාවක් විලකින් කලයට වතුර එකක් පුරවාගෙන් උකුලේ තියාගෙන එන්න හැරෙද්දීම සද්දයක් ඇහුනාලු. "අනේ මාව නිදහස් කරන්න. අනේ මාව නිදහස් කරන්න" කියලා.

බැලින්නම් රත්තරන් මාළුවෙක් කලගෙඩියට වතුරත් එක්ක ඇවිත්.

"මේකාට කථා කරන්නත් පුළුවන් නේ. නියම මාළුවෙක්. මේකා විකුණලා හොඳ ගානක් මට හොයාගන්න පුළුවන්." ඇය තමන්ටම කියාගත්තා.

ඒ අහපු මාළුවා... "අනේ මාව නිදහස් කරන්න. මම ඔබතුමියට වරයන් තුනක් ලබා දෙන්නම්. හැබැයි එක කොන්දේසියක් උඩ." කියලා කිව්වා.

කියන ඕනේ දෙයක් කියලා... මේ කාන්තාව ඒ මාළුවා ආපහු විලට දැම්මා. විලේ වටයක් ගහපු මාළුවා... ආයෙත් කාන්තාව ලඟට ඇවිත් මෙහෙම කිව්වා.

Categories:

Friday, July 5, 2013

මනුස්සයෙක් වීමට | To be a Homo sapiens




ඊයේ මට වැදගත් උපදේශයක් ලැබුනා අක්කාගෙන්...

බලනවා තමුසෙගේ හැටි. පොඩ්ඩක් දැන්වත් මනුස්සයෙක් වෙනවාකෝ...
බලනවා කොම්පියුටරේ ගාව ඉඳගෙන ඉන්න හැටි. එක කකුලක් පුටුව උඩ.

Categories:

Friday, May 10, 2013

දුව කොටට ඇඳගෙන ගියත් පලි බොදු බල සේනාවද? | Should they pay attention about wearing mini skirts



සල්ලි දීල ගවුම ගත්තේ ඇඳගෙන යන්න
අල්ලි දෙකක්වත් දුර බෑ අඩිය තියන්න
ඇඟට හිරට කොටට මහල ඇඳල බලන්න
අඳින්න මිනි ගවුම අඳින්න.
 අතිශයින්ම කාර්යබහුලතාවම මැද වුනත් මේ දේ ගැන ලියන්න හිතුනේ හිතේ ඇතිවුන කලකිරීම නිසාමයි. 

මහනුවර නගරයේදී මට අහන්නට ලැබුන දෙබසක් තමා මේ....

මැදිවියේ පුද්ගලයා- "අර බලන්න, අර ගෑණු ලමයා. කොටට කොටේ සායක් ඇඳගෙන යනවා"

ඇගේ බිරිඳ යැයි සිතිය හැකි කාන්තාව- "ඒකනේ, කිසි හැදියාවක් නැති හැටි"

මැදිවියේ පුද්ගලයා- "ඔය බොදු බල සේනා කියලා අටවාගෙන ඉන්නේ. ඒකෙන් ඕවා ගැන බලන්න එපෑය"

මින් ඉදිරියට දෙබස අසා සිටීමේ පලක් නොවුන හෙයින්, මම දුරකථනය රැගෙන පසෙකට වුනා.

ඇත්තටම මේ දේ ගැන මගේ හිතේ ඇතිවුනේ ලොකු කලකිරීමක්. මුලින්ම කියන්න ඕනේ මුස්ලිම් වුනත්, දෙමල වුනත්, බෞද්ධ වුනත්... අන්තවාදයට මම කැමති නැහැ. හැබැයි මම උපතින් සිංහලයෙක්. සරණ ගිය නිසා බෞද්ධයෙක්. ඒක නිසා මගේ ජාතිය මගේ ආගම කියන හැඟීම මටත් තියෙනවා. මොකද මම තවමත් මමත්වය, ප්‍රතිරූප නැති නොකල පුද්ගලයෙක් නිසා. නමුත් බො.බ.‍සේනා ගැන මගේ තියෙන්නේ මැදිහත් මතයක්.

මම බොදු බල සේනාවේ සාමාජිකයෙකුත් නෙමෙයි, ඒ වගේම රාවණා බලය හා සිංහල රාවය කියන එක ජාතික ව්‍යාපාරයකවත් යාවජීව සාමාජිකයෙක් නෙමෙයි. නමුත් සිංහලයෙක් වශයෙන් මගෙන් ඉටුවෙන්න යම් දෙයක් තියෙනවාද, කිසිම පැත්තකට බර නොවී ඒ දේ මම කරනවා. 

දැන් කථාවට යොමු වෙමු. ඇත්තටම මේ ලමයා ඇඳගෙන ගියේ ඇතුලත් කරලා තියෙන ඡායාරූපයේ ගවුමට වඩා අඟලක් හෝ දෙකක් වැඩි ගවුමක් වෙන්න ඇති. ඒත් මේ ගැන හොයන්න ඕනේ බො.බ.සේනාවෙන්ද?

මේ කොටට, ඇ‍ගේ කොටස් පේන විදියට ඇදුම් ඇඳගෙන එන කිසිම ගෑණු ළමයෙක් (99%) ගෙදරින් ලමාසාරයක් පටලවාගෙන ඇවිදින්, මඟදී Sexy කියන වර්ගයේ ඇදුම් ඇඳගන්නේ නැහැනේද? එතකොට ඒ ගෙදරින් එලියට බහිද්දී අම්මා සහ තාත්තා කියන දෙන්නා මේ ඇදුම් අදිනවා කියලා දන්නවානේ. එහෙමනම් කරන්න තියෙන්නේ තාත්තා දුවට හොඳින් කියලා දෙන්න ඕනේ "දුවේ, ඕවා හැදිච්ච ගෑණු ළමයි අඳින්න සුදුසු ඇඳුම් නෙමෙයි කියලා" එහෙම හොඳින් කියලා බැරි නම් ඉතින් මේක ලංකාවනේ, ලංකාවේ සංස්කෘතියේ තාත්තා/ අප්පච්චී කියන්නේ වැදගත් චරිතයක්. ඒක නිසා සැර කරලා කියන්න ඕනේ.

බො.බ.සේනාව කියන්නේ, එහෙමත් නැතිනම් රාවණා බලය හෝ සිඞහල රාවය කියන සංවිධාන තියෙන්නේ දුව කොටට ඇඳගෙන යන ගවුම දික් කරන්න නෙමෙයි. 

ඒ වගේම දැන ගන්න ලැබුන දෙයක් තමා බොදු බල සේනාවට ඉඩම් නඩු පවා මිනිස්සු ගෙනල්ල භාර දෙනවා කියලා. තාමත් මේ ජාතික ව්‍යාපාරය මොකක්ද කරන්න හදන්නේ කියලා මිනිස්සුන්ට තේරිලා නැහැ. 

එහෙම තේරෙනකම්ම මේ සංවිධාන වලින් කරන කිසිම දේකින් වැඩක් වෙන්නේ නැහැ. බො.බ.සේනාවෙන් මීලඟට කරන දේ සිංහල ජනතාවට වගකීම් පැහැදිලි කරන්න උත්සහ කරන එක කියලා තමයි සංවිධානයේ ඉහල නිලයක් දරන කෙනෙක්ගෙන් දැනගන්න ලැබුනේ.

ඇත්තෙන්ම ඒක හොඳ වැඩක්. ඒ වගේම චී මල් කියලා තිබුනා නේද බො.බ.සේනාවට නෝර්වේ ආධාර ලැබුනා කියලා. ඒ වගේම කථාවක් ගියා ඇමරිකාවට ගියේ CIA සමඟ එකතුවෙලා කුමන්ත්‍රණ කරන්න කියලා. නමුත් හොයලා බලද්දී දැන ගන්න ලැබුනේ බො.බ.සේනා ගිණුමේ තියෙන්නේ රුපියල් 30'000ක් වගේ සුළු මුදලක් කියලා. බො.බ.සේනාවෙන් කෙරෙන සියලුම කටයුතු වලට මුදල් ලබාදෙන්නේ ලංකාවේ සිංහල ජනතාව.

මම මේ දේවල් ලියව්වේ ජාතිවාදී හැඟීම් අවුස්සන්න නෙමෙයි. මගේ හොඳම මිත්‍රයන් ඉන්නවා මුස්ලිම් අය. එකට බත් එක දිගහැරගෙන කෑම කන අය. ඒ අය වුනත් අන්තවාදයට විරුද්ධයි. මාත් අන්තවාදයට විරුද්ධයි. 

තැන් තැන් වල බො.බ.සේනාවෙන් කරන කටයුතු වලට විරුද්ධව මෝඩයෝ වගේ කියවන්නේ නැතිව මේ මාසේ 11 (හෙට) කෑගල්ල නගර මධ්‍යයේ බො.බ.සේනා මහා සමුලුවක් පැවැත්වෙනවා. ඒකට ගිහින් බලන්න. එතනදි වුනත් තමන්ගේ අදහස් ප්‍රකාශ කරන්න අවස්ථාවක් ලබාගන්න බැරි වෙන එකක් නැහැ.

----------------------------------------------------------------
අන්තිමට කියන්න දෙයක් තියෙනවා නැවතත්, මම කිසිම සංවිධානයක සාමාජිකයෙක් නෙමෙයි. 

---------------------------------------------------------------

උසස් පෙළ සඳහා ඉදිරිපත් වෙන අය උදෙසා ගොඩ නැංවෙන වෙබ් අඩවිය නිසා තමා කාර්යබහුලත්වය වැඩි වෙලා තියෙන්නේ. කැමති අය ලයික් එකක් ඇතුල් කරන්න.


Categories:

Wednesday, April 10, 2013

මේ රටේ අනාගතය උදෙසාය ! alhelp.org/apply/


අපට ඇත්තේ අරමුණු දෙකකි එකක් ඔබ ගැන අනික රට ගැන.www.alhelp.org හි සාඩම්බර රචකයකු වීමට කෙරෙන ගෞරවනීය ආරාධනයයි මේ! මේ රටේ අනාගතය උදෙසාය!
 

ශ්‍රී ලාංකිකයන්ට පිදෙන ස්වර්ණමය තිළිණය,
 
ෆේස්බුක් ගෲපයක් බ්ලොග් අඩවියකින් එහා මායිමකට "අන්තර්ජාලයේ නැණ නුවණ ‍තෝතැන්න " A/L උදව් අධ්‍යාපන ‍තෝතැන්න දැන් වෙබ් අඩවියක.
ස්වර්ණමය භූමියෙන් එහා ඉලෙක්ට්‍රෝනික් අවකාශයේ දැයේ බුද්ධියේ තර්කාන්විත අනාගත පරපුරක් උදෙසා මෙසේ අඩහැර පාන්නට සුදානම් වන්නේය.  
"සූදානම් කරගන්න ඔබගේ දැනුම.තර්කානුකූලව සටන් කරන්න.බුද්ධියේ මහිම කියා පාන්නට." - ඔබ ඔබම වන්න.
බුද්ධියේ , තර්කයේ , දැනුමේ යුද ගිනි අවුලන්නට අප සුදානම්.
© 2013 A/L උදව් අධ්‍යාපන ‍තෝතැන්න .




Categories:

Thursday, February 21, 2013

හොඳ ආරංචියක්ද?

'සුභ පැතුම් නිමන්ති මහත්මිය, ඔබට සුභ ආරංචියක් කියන්න තියෙනවා.' වෛද්‍ය වරයා පැවසීය. 'මම මහත්මිය නෙමෙයි මෙනවිය.'

Categories:

Thursday, February 14, 2013

DNA පරීක්ෂණය

පෙරේරා මහතාගේ DNA වාර්ථාව අතට ගත් දොස්තර මහතා "ඔබට හොඳ ආරංචියක් වගේම නරක ආරංචියක් කියන්න තියෙනවා" යැයි පැවසීය.

Categories:

Copyright © ළහිරුගේ සිංහල Blog අඩවිය - සිංහල බ්ලොග් | Powered by Blogger

Design by Anders NorenUp ↑